జుట్టుకి కీరదోస రసం!

-కీరదోస రసంలో సిలికా, విటమిన్ ఎ,సి,కె, ఐరన్ వంటి పోషకాలు పుష్కలంగా దొరుకుతాయి. కీరదోస రసం జుట్టును పెరిగేలా చేస్తాయి. కీర రసంలో నీటిశాతం ఎక్కువగా ఉంటుంది. జుట్టు కుదుళ్లకి, వెంట్రుకలకి తేమని అందించి జుట్టు అందంగా మారేలా చేస్తుంది.

-కీరదోస రసంలో ఉండే పోషకాలు వెంట్రుకలు చిట్లకుండా, తెగిపోకుండా చేస్తుంది. కీర రసం జుట్టు పొడిబారకుండా చేస్తుంది. వెంట్రుకను బలంగా మార్చి ఊడకుండా చూస్తుంది.
-కీరదోసలో విటమిన్ ఎ, బి5, సి, కెలు ఉండడం వల్ల మంట, దురదగా ఉన్న మాడుకు ఉపశమనాన్ని అందిస్తుంది. కీరదోస ప్యాక్ ఇలా చేయొచ్చు.
-కీరదోస రసం, అలోవెర గుజ్జు, ఆలివ్ ఆయిల్‌ను బాగా కలుపాలి. ఈ మిశ్రమాన్ని జుట్టును పాయలు పాయలు చేసి మొత్తం జుట్టుకు పట్టించాలి. ఐదు నిమిషాల పాటు మర్ధనా చేయాలి. 30 నిమిషాల తరువాత తలస్నానం చేయాలి. వారానికి రెండుసార్లు ఇలా చేస్తే జుట్టు ఊడకుండా ఒత్తుగా పెరుగుతుంది.

©2018 APWebNews.com. All Rights Reserved.