ముఖంపై చెమటని తగ్గించుకోండి...!

వేసవి వస్తే చాలు చెమట ఎక్కువ పట్టేస్తుంది. కొందరికి ముఖంపై చెమట కారుతూ వేసుకున్న మేకప్ కూడా పోతుంది. ఇది చిన్న సమస్యే అయినా చాలా చికాకును కలిగిస్తుంది. అలాంటి వారు వేసవిలో చిన్న చిట్కాలు పాటించడం ద్వారా చెమట ఎక్కువ పట్టకుండా కంట్రోల్ చేసుకోవచ్చు.

 ఉదయం స్నానం చేసేప్పుడు, రాత్రి పడుకునేటప్పుడే కొందరు ముఖం కడుగుతారు. అలా కాకుండా రోజులో మూడు నుంచి అయిదు సార్లు చల్లటి నీటితో ముఖం శుభ్రం చేసుకోవాలి. చర్మరంధ్రాల్లోని వేడిని తగ్గించడమే కాకుండా... ఎక్కువగా చెమట బయటికి రాదు. అంతేకాకుండా చర్మం తాజాగా అనిపిస్తుంది. ఇంటి నుంచి బయటికి వెళుతున్నప్పుడు కాస్త వేసవిలో వాడే టాల్కమ్ పౌడర్ కొద్దిగా రాసుకుని వెళ్లండి. మేకప్ జోలికి పోకండి. పౌడర్ అధికంగా వచ్చే చెమటను కాసేపు అడ్డుకుంటుంది. కనుక అసౌకర్యం కలగదు. ఫేషియల్ స్వెట్టింగ్ తగ్గించుకోవడానికి మరో మంచి మార్గం ఐస్ ముక్కలు. వీటిని ఒక వస్త్రంలో చుట్టి... ముఖం మీద తరచూ మర్ధన చేసుకుంటూ ఉండాలి. చాలా హాయిగా ఉండడంతో పాటూ ఎక్కువ చెమట పట్టడం తగ్గుతుందివేసవికాలంలో ఆయిల్ ఎక్కువగా ఉన్న క్రీమ్స్ కు, మేకప్ కు దూరంగా ఉండడం అత్యుత్తమం. వీటి వల్ల చర్మరంధ్రాలు మూసుకుపోయి... మురికి చేరిపోతుంది. మొటిమలు వంటి కొత్త సమస్యలు మొదలవుతాయి. చెమట కూడా ఎక్కువగా ఉత్పత్తి అవుతుంది. రోజూ రాత్రి నిద్రపోవడానికి ముందు కీర దోసకాయల రసాన్ని ముఖానికి రాసుకోవాలి. వేసవిలో రోజూ ఇలా చేస్తే... ముఖానికి చెమట పట్టడం తగ్గుతుంది.

©2018 APWebNews.com. All Rights Reserved.