డిఫెండింగ్‌ చాంపియన్‌ ముంబై ఇండియన్స్‌కు అదృష్టం మళ్లీ కలిసొచ్చింది. ఓటమికి చేరువగా వచ్చి కూడా ఆ జట్టు సొంతగడ్డపై విజయాన్ని అందుకుంది. బుధవారం జరిగిన మ్యాచ్‌లో ముంబై 3 పరుగుల తేడాతో కింగ్స్‌ ఎలెవన్‌ పంజాబ్‌ను ఓడించింది. ముందుగా ముంబై ఇండియన్స్‌ 20 ఓవర్లలో 8 వికెట్ల నష్టానికి 186 పరుగులు చేసింది. కీరన్‌ పొలార్డ్‌ (23 బంతుల్లో 50; 5 ఫోర్లు, 3 సిక్సర్లు) అర్ధసెంచరీ సాధించగా, కృనాల్‌ పాండ్యా (23 బంతుల్లో 32; 1 ఫోర్, 2 సిక్సర్లు) ధాటిగా ఆడాడు. ఆండ్రూ టై (4/16) చక్కటి బౌలింగ్‌ ప్రదర్శన కనబర్చాడు. అనంతరం పంజాబ్‌ 20 ఓవర్లలో 4 వికెట్లకు 183 పరుగులు చేసింది. లోకేశ్‌ రాహుల్‌ (60 బంతుల్లో 94; 10 ఫోర్లు, 3 సిక్సర్లు) త్రుటిలో సెంచరీ కోల్పోగా, ఆరోన్‌ ఫించ్‌ (35 బంతుల్లో 46; 3 ఫోర్లు, 1 సిక్స్‌) రాణించాడు. బుమ్రాకు 3 వికెట్లు దక్కాయి.  అయితే వీరి భాగస్వామ్యాన్ని విడదీయడంతోనే ముంబై విజయావకాశాలు మెరుగయ్యాయి. 17వ ఓవర్‌లో ఫించ్‌ను బుమ్రా ఔట్ చేశాడు. అదే ఓవర్‌లో స్టాయినిస్‌ను కూడా బుమ్రా పెవిలియన్‌కు పంపాడు. ఓ వైపు వికెట్లు పడుతున్నా రాహుల్ మాత్రం మరో ఎండ్‌లో పోరాడుతూనే ఉన్నాడు. బౌండరీల బౌండరీలు బాదుతూ సెంచరీకి చేరువయ్యాడు. అయితే బుమ్రా వేసిన 19వ ఓవర్‌లో భారీ షాట్‌కు ప్రయత్నించి కట్టింగ్‌కు క్యాచ్ ఇచ్చి పెవిలియన్‌కు చేరాడు. ఇక ఆఖరి 6 బంతుల్లో 17 పరుగులు చేయాల్సిన పరిస్థితి. క్రీజులో యువరాజ్ సింగ్, అక్షర్ పటేల్ ఉన్నారు. మెక్‌క్లెనాగన్ బంతిని అందుకున్నాడు. 

ఐపీఎల్ 2018 సీజన్‌‌లో ప్లేఆఫ్ ఆశల్ని అద్భుత విజయంతో కోల్‌కతా నైట్‌రైడర్స్ సజీవంగా ఉంచుకుంది. రాజస్థాన్ రాయల్స్‌తో మంగళవారం రాత్రి ఈడెన్ గార్డెన్స్ వేదికగా జరిగిన మ్యాచ్‌లో

ఐపీఎల్ 2018 సీజన్‌లో ప్లేఆఫ్ ఆశలు నిలవాలంటే తప్పక గెలవాల్సిన మ్యాచ్‌లో రాయల్ ఛాలెంజర్స్ బెంగళూరు జట్టు కింగ్స్ ఎలెవన్ పంజాబ్‌పై 10 వికెట్ల తేడాతో సంచలన విజయాన్ని అందుకుంది.

 

ఐపీఎ‍ల్‌ తాజా సీజన్‌లో రాజస్తాన్‌ రాయల్స్‌ హ్యాట్రిక్‌ విజయాన్ని నమోదు చేసింది. ఆదివారం ముంబై ఇండియన్స్‌తో జరిగిన మ్యాచ్‌లో రాజస్తాన్‌ రాయల్స్‌ 7 వికెట్ల తేడాతో గెలుపొందింది. తద్వారా వరుసగా మూడో విజయాన్ని ఖాతాలో వేసుకుని ప్లే ఆఫ్‌ ఆశలను సజీవంగా నిలుపుకుంది. రాజస్తాన్‌ రాయల్స్‌ విజయంలో మరోసారి జోస్‌ బట్లర్‌‌(94 నాటౌట్‌; 53 బంతుల్లో 9 ఫోర్లు, 5 సిక్సర్లు)  కీలక పాత్ర పోషించాడు. అతనికి జతగా అజింక్యా రహానే(37) రాణించి విజయంలో భాగమయ్యాడు. ఈ సీజన్‌లో ఇరు జట్ల మధ్య జరిగిన మ్యాచ్‌లో సైతం రాజస్తాన్‌నే విజయం వరించిన సంగతి తెలిసిందే.

తాజా మ్యాచ్‌లో ముందుగా బ్యాటింగ్‌ చేసిన ముంబై ఇండియన్స్‌ 169 పరుగుల లక్ష్యాన్ని నిర్దేశించింది. లక్ష్యాన్ని ఛేజింగ్‌ చేసే క‍్రమంలో రాజస్తాన్‌ రాయల్స్‌ ఆదిలోనే డీఆర్సీ షార్ట్‌(4) నిరాశపరిచాడు. ఆ తరుణంలో బట్లర్‌-రహానేల జోడి ఇన్నింగ్స్‌ నడిపించే బాధ్యతను తీసుకుంది. ఈ జోడి 95 పరుగుల భాగస్వామ్యాన్ని సాధించిన తర్వాత రహానే రెండో వికెట్‌గా ఔటయ్యాడు. ఆపై బట్లర్‌-సంజూ శాంసన్‌లు మూడో వికెట్‌కు 61 పరుగులు సాధించారు. ఇక చివర్లో బట్లర్‌ సిక్స్‌ కొట్టడంతో రాజస్తాన్‌ రాయల్స్‌ 18 ఓవర్లలో విజయం సాధించింది.

అంతకముందు టాస్‌ ఓడి బ్యాటింగ్‌ చేసిన ముంబై నిర్ణీత ఓవర్లలో ఆరువికెట్లు కోల్పోయి 168 పరుగులు చేసింది.  ముంబై ఇండియన్స్‌కు ఓపెనర్లు సూర్యకుమార్‌ యాదవ్(38)‌, ఎవిన్‌ లూయిస్‌(60), హార్దిక్‌ పాండ్యా(36; 21 బంతుల్లో 3 ఫోర్లు, 2 సిక్సర్లు) మాత్రమే రాణించారు.

ఐపీఎల్ 2018 సీజన్‌లో రాయల్ ఛాలెంజర్స్ బెంగళూరు జట్టు మళ్లీ ప్లేఆఫ్ రేసులోకి వచ్చింది. ఢిల్లీ డేర్‌డెవిల్స్‌తో శనివారం రాత్రి జరిగిన మ్యాచ్‌లో ఏబీ డివిలియర్స్ (72 నాటౌట్: 37 బంతుల్లో 4x4, 6x6), కెప్టెన్ విరాట్ కోహ్లి (70: 40 బంతుల్లో 7x4, 3x6) చెలరేగడంతో బెంగళూరు జట్టు 5 వికెట్ల తేడాతో ఘన విజయాన్ని అందుకుంది.

ఐపీఎల్ 2018 సీజన్‌లో రాజస్థాన్ రాయల్స్ జట్టు మళ్లీ పుంజుకుంది. టోర్నీలో ప్లేఆఫ్ ఆశలు నిలవాలంటే తప్పక గెలవాల్సిన మ్యాచ్‌లో ఓపెనర్ జోస్ బట్లర్ (95 నాటౌట్: 60 బంతుల్లో 11x4, 2x6) బాధ్యతాయుత ఇన్నింగ్స్ ఆడటంతో చెన్నై సూపర్ కింగ్స్‌పై 4 వికెట్ల తేడాతో గెలుపొందింది.

ఐపీఎల్ 2018 సీజన్‌లో సన్‌రైజర్స్ హైదరాబాద్ జట్టు ఘన విజయంతో సగర్వంగా ప్లేఆఫ్‌ బెర్తుని ఖాయం చేసుకుంది. ఢిల్లీ డేర్‌డెవిల్స్‌తో గురువారం రాత్రి జరిగిన మ్యాచ్‌లో బౌలర్లు సమష్టిగా విఫలమైనా..

ఐపీఎల్ 2018 సీజన్‌లో వరుసగా రెండోసారి కూడా ముంబయి ఇండియన్స్‌తో చేతిలో కోల్‌కతా నైట్‌రైడర్స్ చిత్తుగా ఓడింది. ఈడెన్ గార్డెన్స్‌ వేదికగా బుధవారం రాత్రి జరిగిన మ్యాచ్‌లో యువ హిట్టర్ ఇషాన్ కిషన్ (62: 21 బంతుల్లో 5x4, 6x6) దూకుడుగా ఆడటంతో తొలుత బ్యాటింగ్ చేసిన ముంబయి జట్టు నిర్ణీత 20 ఓవర్లలో 6 వికెట్ల నష్టానికి 210 పరుగుల భారీ స్కోరు చేయగా.. లక్ష్య ఛేదనలో తడబడిన కోల్‌కతా నైట్‌రైడర్స్ జట్టు 18.1 ఓవర్లలో108 పరుగులకే కుప్పకూలిపోయింది. ఆ జట్టులో క్రిస్‌లిన్ (21), రాబిన్ ఉతప్ప (14), నితీశ్ రానా (21), ఆండ్రీ రసెల్ (2), దినేశ్ కార్తీక్ (5) ఒత్తిడిలో చిత్తయ్యారు. లేని పరుగు కోసం ప్రయత్నిస్తూ ఆరంభంలో క్రిస్‌లిన్, మిడిల్ ఓవర్లలో కార్తీక్ రనౌటవడం కోల్‌కతా విజయావకాశాల్ని దెబ్బతీసింది. టోర్నీలో వరుసగా మూడో విజయాన్ని అందుకున్న ముంబయి ఇండియన్స్‌ జట్టు ప్లేఆఫ్ అవకాశాల్ని సజీవంగా ఉంచుకోగా.. కోల్‌కతా మిగిలిన ఐదు మ్యాచ్‌ల్లో నాలుగు గెలవాల్సిన సంకట స్థితిలో పడిపోయింది. సీజన్‌లో ప్లేఆఫ్ చేరాలంటే తప్పక గెలవాల్సిన మ్యాచ్‌ కావడంతో ముంబయి ఇండియన్స్ బ్యాట్స్‌మెన్ చెలరేగారు. మ్యాచ్ ఆరంభంలోనే ఎవిన్ లూవిస్ (18) వికెట్ చేజారినా.. మరో ఓపెనర్ సూర్యకుమార్ యాదవ్ (36: 32 బంతుల్లో 5x4, 1x6) పవర్ ప్లేలో బ్యాట్ ఝళిపించాడు. అయితే కీలక సమయంలో అతను ఔటైనా.. మిడిల్ ఓవర్లలో ఇషాన్ కిషన్‌తో పాటు కెప్టెన్ రోహిత్ శర్మ (36: 31 బంతుల్లో 2x4, 1x6), హార్దిక్ పాండ్య (19: 13 బంతుల్లో 2x6) దూకుడుగా ఆడటంతో ముంబయి భారీ స్కోరుకి బాటలు పడ్డాయి. ముఖ్యంగా ఒకే ఓవర్‌లో కుల్దీప్ యాదవ్ బౌలింగ్‌లో వరుసగా 6, 6, 6, 6 బాదిన ఇషాన్ కిషన్.. 17 బంతుల్లోనే అర్ధశతకం పూర్తి చేసుకుని స్కోరు బోర్డుని పరుగులెత్తించాడు. చివర్లో రోహిత్, హార్దిక్, బెన్ కటింగ్ (24: 8 బంతుల్లో 1x4, 3x6) సిక్సర్ల మోత మోగించేశారు. ఇన్నింగ్స్ ఆఖరి ఓవర్ వేసిన పీయూస్ చావ్లా బౌలింగ్‌లో బెన్ కటింగ్ తొలి మూడు బంతుల్ని 6, 6, 4గా మలచగా.. ఆఖరి బంతిని క్రునాల్ పాండ్య సిక్స్‌గా తరలించాడు. దీంతో 20వ ఓవర్‌లో ముంబయి 22 పరుగుల్ని పిండుకుంది

ఐపీఎల్ 2018 సీజన్‌లో కింగ్స్ ఎలెవన్ పంజాబ్‌ జట్టుపై రాజస్థాన్ రాయల్స్ ప్రతీకారం తీర్చుకుంది. రెండు రోజుల క్రితం పంజాబ్‌ చేతిలో ఓడిన రాజస్థాన్.. మంగళవారం రాత్రి జైపూర్ వేదికగా జరిగిన మ్యాచ్‌లో 15 పరుగుల తేడాతో గెలుపొంది ఓటమికి బదులు తీర్చుకుంది. టోర్నీలో ప్లేఆఫ్ ఆశలు నిలవాలంటే తప్పక గెలవాల్సిన ఈ మ్యాచ్‌లో తొలుత బ్యాటింగ్ చేసిన రాజస్థాన్ జట్టు.. ఓపెనర్ జోస్ బట్లర్ (82: 58 బంతుల్లో 9x4, 1x6) దూకుడుగా ఆడటంతో నిర్ణీత 20 ఓవర్లలో 8 వికెట్ల నష్టానికి 158 పరుగులు చేసింది. అనంతరం ఛేదనలో కేఎల్ రాహుల్ (95 నాటౌట్: 70 బంతుల్లో 11x4, 2x6) ఆఖరి బంతి వరకూ అజేయ పోరాటం చేసినా పంజాబ్‌ను గెలిపించలేకపోయాడు. ఆరంభంలోనే క్రిస్‌గేల్ (1), అశ్విన్ (0) కరుణ్ నాయర్ (3) వికెట్లను చేజార్చుకోవడం ఆ జట్టు విజయావకాశాల్ని దెబ్బతీసింది. ఒక ఎండ్‌లో కేఎల్ రాహుల్ ఒంటరి పోరాటం చేసినా.. అతనికి సహకారం అందించేవారు కరవయ్యారు. అక్షదీప్ (9), మనోజ్ తివారి (7), అక్షర్ పటేల్ (9) కీలక సమయంలో ఔటవడంతో చివరికి పంజాబ్ 143/7కే పరిమితమైంది. టోర్నీలో వరుసగా మూడు ఓటముల తర్వాత మళ్లీ రాజస్థాన్ జట్టు గెలుపొందగా.. పంజాబ్‌కు ఇది మొత్తంగా నాలుగో ఓటమి. 

అంతకముందు రాజస్థాన్ కెప్టెన్ అజింక్య రహానె (9) వైఫల్యాల బాట కొనసాగించగా.. ప్రయోగాత్మకంగా బ్యాటింగ్ ఆర్డర్‌లో ముందుకు వచ్చిన గౌతమ్ (8) నిరాశపరిచాడు. ఈ దశలో కాసేపు ఇన్నింగ్స్ నడిపించిన సంజు శాంసన్ (22: 18 బంతుల్లో 1x4, 1x6) కీలక సమయంలో ఔటవడంతో ఆ జట్టు తడబడింది. అయితే.. ఒక ఎండ్‌లో వరుసగా వికెట్లు పడుతున్నా.. జోస్ బట్లర్ బాధ్యతాయుత ఇన్నింగ్స్‌తో వరుసగా మూడో మ్యాచ్‌లోనూ అర్ధశతకం పూర్తి చేసుకున్నాడు. పవర్‌ ప్లేలో స్వేచ్ఛగా బ్యాట్ ఝళిపించిన ఈ ఓపెనర్.. మిడిల్ ఓవర్లలో ఎక్కువగా సింగిల్స్, డబుల్స్‌కే ప్రాధాన్యమివ్వడంతో స్కోరు బోర్డు నెమ్మదించింది. ఈ దశలో జట్టు స్కోరు 132 వద్ద హిట్టింగ్‌‌కి ప్రయత్నిస్తూ బట్లర్ స్టంపౌటవగా.. అనంతరం వచ్చిన స్టువర్ట్ బిన్నీ (11: 7 బంతుల్లో 1x6) సిక్స్‌తో ఊపు మీద కనిపించినా లేని పరుగు కోసం ప్రయత్నించి రనౌటయ్యాడు. చివర్లో బెన్‌స్టోక్స్ (14: 11 బంతుల్లో 1x4) ఆశించినంత వేగంగా ఆడలేకపోవడంతో రాజస్థాన్‌ తక్కువ స్కోరుతోనే సరిపెట్టుకోవాల్సి వచ్చింది. పంజాబ్ బౌలర్లలో ఆండ్రూ టై నాలుగు వికెట్లు పడగొట్టగా.. ముజీబ్ రెండు, స్టాయినిస్ ఒక వికెట్ తీశారు. 

స్వల్ప లక్ష్యాలను కాపాడుకుంటూ ఊహించని విధంగా విజయాలు అందుకునే సన్‌రైజర్స్ హైదరాబాద్ మరోసారి అభిమానులకు అదిరిపోయే విక్టరీని అందించింది. తప్ప గెలవాల్సిన స్థితిలో బెంగళూరు మరోసారి చేతులెత్తేసింది. ఆఖరి బంతి వరకు ఉత్కంఠగా సాగిన మ్యాచ్‌లో సన్‌రైజర్స్ విజేతగా నిలిచింది. ఉప్పల్‌లోని రాజీవ్‌గాంధీ అంతర్జాతీయ స్టేడియం వేదికగా రాయల్ ఛాలెంజర్స్ బెంగళూరుతో జరిగిన మ్యాచ్‌లో సన్‌రైజర్స్ హైదరాబాద్ 5 పరుగుల తేడాతో గెలిచింది. భువనేశ్వర్ కుమార్ ఆఖరి ఓవర్‌లో 6 పరుగులు మాత్రమే ఇచ్చి వికెట్ తీయడంతో సన్‌రైజర్స్ సూపర్ విక్టరీ సాధించింది. 
 అంతకుముందు టాస్ గెలిచిన బెంగళూరు కెప్టెన్ విరాట్ కోహ్లి.. హైదరాబాద్‌కు బ్యాటింగ్ అప్పగించాడు. కెప్టెన్ విలియమ్సన్ (39 బంతుల్లో 56), షకీబుల్ హసన్ (32 బంతుల్లో 35) రాణించడంతో నిర్ణీత 20 ఓవర్లలో హైదరాబాద్ 146 పరుగులు చేసింది. ఓపెనర్లు హేల్స్ (5), శిఖర్ ధావన్ (13), మనీష్ పాండే(5) విఫలమైనా షకీబుల్ హసన్‌తో కలసి విలియమ్సన్ ఇన్నింగ్స్‌ను చక్కదిద్దాడు. అయితే వేగంగా ఆడే క్రమంలో విలియమ్సన్, షకీబుల్ హసన్ స్వల్ప వ్యవధిలో ఔటయ్యారు. ఆ తరవాత యూసఫ్ పఠాన్ (12), సాహా (8), రషిద్ ఖాన్(1), సిద్ధార్థ్ కౌల్(1), సందీప్ శర్మ(0) తక్కువ స్కోర్లకే పరిమితమవడంతో హైదరాబాద్ ఇన్నింగ్స్ ఆఖరి బంతికి 146 పరుగులకు ఆలౌటైంది.
కేన్ విలియమ్సన్ హాఫ్ సెంచరీ అభివాదంలక్ష్య ఛేదనలో బెంగళూరుకు ఆదిలోనే దెబ్బ తగిలింది. షకీబుల్ హసన్ వేసిన మూడో ఓవర్‌లో పార్థీవ్ పటేల్ ఔటయ్యాడు. ఆ తరవాత సందీప్ శర్మ వేసిన 8వ ఓవర్‌లో వోహ్రా (8) బౌల్డయ్యాడు. ఇక జోరుమీదున్న కెప్టెన్ విరాట్ కోహ్లీ(39)ని షకీబుల్ హసన్ ఔట్ చేశాడు. షార్ట్ థర్డ్ మ్యాన్‌ వద్ద పఠాన్ ఒంటి చేత్తో క్యాచ్‌ను అందుకోవడంతో కోహ్లి పెవిలియన్‌కు చేరాడు. ఆ తరవాత ఓవర్‌లోనే ఏబీ డివిలియర్స్‌(5)ను రషీద్ ఖాన్ క్లీన్‌బౌల్డ్ చేశాడు. 12వ ఓవర్‌లో మొయిన్ అలీ(10)ని కౌల్ ఔట్ చేశాడు. ఆ తరవాత మన్‌దీప్ సింగ్ (21 నాటౌట్), డిగ్రాండ్‌హోమ్ (33) పోరాడినా ఫలితం లేకపోయింది. ఆఖరి ఓవర్‌లో 12 పరుగులు చేయాల్సి ఉండగా.. భువనేశ్వర్ కుమార్ అద్భుతమైన బౌలింగ్‌తో బెంగళూరు బ్యాట్స్‌మన్‌ను కట్టడి చేశాడు. ఆఖరి బంతికి డిగ్రాండ్‌హోమ్‌ను క్లీన్ బౌల్డ్ చేసి హైదరాబాద్‌కు విజయాన్ని అందించాడు. నిర్ణీత 20 ఓవర్లలో 6 వికెట్ల నష్టానికి బెంగళూరు 141 పరుగులు మాత్రమే చేయగలిగింది. కాగా, సన్‌రైజర్స్ హైదరాబాద్‌కు ఇది ఎనిమిదో విజయం కాగా, బెంగళూరుకు ఇది ఏడో ఓటమి.

Page 5 of 9

©2019 APWebNews.com. All Rights Reserved.