చెన్నై థ్రిల్లింగ్ విక్టరీ ..!

 

ఐపీఎల్ 2018 సీజన్‌లో చెన్నై సూపర్ కింగ్స్ జట్టు అసాధారణ విజయాన్ని నమోదు చేసింది. రాయల్ ఛాలెంజర్స్ బెంగళూరుతో బుధవారం రాత్రి జరిగిన మ్యాచ్‌లో 206 పరుగుల లక్ష్య ఛేదనకు దిగిన చెన్నై జట్టు అంబటి రాయుడు (82: 53 బంతుల్లో 3x4, 8x6), కెప్టెన్ మహేంద్రసింగ్ ధోని (70 నాటౌట్: 34 బంతుల్లో 1x4, 7x6) సంచలన ఇన్నింగ్స్ ఆడటంతో 5 వికెట్ల తేడాతో ఘన విజయాన్ని అందుకుంది. చివరి ఓవర్‌లో చెన్నై విజయానికి 16 పరుగులు అవసరమైన దశలో కోరె అండర్సన్ బౌలింగ్‌కి రాగా.. తొలి రెండు బంతుల్లోనే ఫోర్, సిక్స్ బాదిన డ్వేన్ బ్రావో (14 నాటౌట్: 7 బంతుల్లో 1x4, 1x6) పది పరుగులు రాబట్టగా.. నాలుగో బంతికి ధోనీ కళ్లు చెదిరేరీతిలో సిక్సర్ బాదేశాడు. 

అంతకముందు ఏబీ డివిలియర్స్ (68: 30 బంతుల్లో 2x4, 8x6), డికాక్ (53: 37 బంతుల్లో 1x4, 4x6) మెరుపు అర్ధశతకాలు బాదడంతో తొలుత బ్యాటింగ్ చేసిన బెంగళూరు జట్టు నిర్ణీత 20 ఓవర్లలో 8 వికెట్ల నష్టానికి 205 పరుగులు చేసింది. కెప్టెన్ విరాట్ కోహ్లి (18: 15 బంతుల్లో 3x4) ఇన్నింగ్స్ ఐదో ఓవర్‌లో ఔటవడంతో క్రీజులోకి వచ్చిన ఏబీ డివిలియర్స్.. 15వ ఓవర్‌ వరకూ ఆకాశమే హద్దుగా చెలరేగి చెన్నై బౌలర్లని ఉతికారేశాడు. డికాక్‌తో కలిసి రెండో వికెట్‌కి డివిలియర్స్ అభేద్యంగా 133 పరుగుల భాగస్వామ్యం నెలకొల్పడంతో బెంగళూరు భారీ స్కోరు చేయగలిగింది. 

తాజా వార్తలు

©2018 APWebNews.com. All Rights Reserved.