ముంబై థ్రిల్లింగ్ విక్టరీ..!

డిఫెండింగ్‌ చాంపియన్‌ ముంబై ఇండియన్స్‌కు అదృష్టం మళ్లీ కలిసొచ్చింది. ఓటమికి చేరువగా వచ్చి కూడా ఆ జట్టు సొంతగడ్డపై విజయాన్ని అందుకుంది. బుధవారం జరిగిన మ్యాచ్‌లో ముంబై 3 పరుగుల తేడాతో కింగ్స్‌ ఎలెవన్‌ పంజాబ్‌ను ఓడించింది. ముందుగా ముంబై ఇండియన్స్‌ 20 ఓవర్లలో 8 వికెట్ల నష్టానికి 186 పరుగులు చేసింది. కీరన్‌ పొలార్డ్‌ (23 బంతుల్లో 50; 5 ఫోర్లు, 3 సిక్సర్లు) అర్ధసెంచరీ సాధించగా, కృనాల్‌ పాండ్యా (23 బంతుల్లో 32; 1 ఫోర్, 2 సిక్సర్లు) ధాటిగా ఆడాడు. ఆండ్రూ టై (4/16) చక్కటి బౌలింగ్‌ ప్రదర్శన కనబర్చాడు. అనంతరం పంజాబ్‌ 20 ఓవర్లలో 4 వికెట్లకు 183 పరుగులు చేసింది. లోకేశ్‌ రాహుల్‌ (60 బంతుల్లో 94; 10 ఫోర్లు, 3 సిక్సర్లు) త్రుటిలో సెంచరీ కోల్పోగా, ఆరోన్‌ ఫించ్‌ (35 బంతుల్లో 46; 3 ఫోర్లు, 1 సిక్స్‌) రాణించాడు. బుమ్రాకు 3 వికెట్లు దక్కాయి.  అయితే వీరి భాగస్వామ్యాన్ని విడదీయడంతోనే ముంబై విజయావకాశాలు మెరుగయ్యాయి. 17వ ఓవర్‌లో ఫించ్‌ను బుమ్రా ఔట్ చేశాడు. అదే ఓవర్‌లో స్టాయినిస్‌ను కూడా బుమ్రా పెవిలియన్‌కు పంపాడు. ఓ వైపు వికెట్లు పడుతున్నా రాహుల్ మాత్రం మరో ఎండ్‌లో పోరాడుతూనే ఉన్నాడు. బౌండరీల బౌండరీలు బాదుతూ సెంచరీకి చేరువయ్యాడు. అయితే బుమ్రా వేసిన 19వ ఓవర్‌లో భారీ షాట్‌కు ప్రయత్నించి కట్టింగ్‌కు క్యాచ్ ఇచ్చి పెవిలియన్‌కు చేరాడు. ఇక ఆఖరి 6 బంతుల్లో 17 పరుగులు చేయాల్సిన పరిస్థితి. క్రీజులో యువరాజ్ సింగ్, అక్షర్ పటేల్ ఉన్నారు. మెక్‌క్లెనాగన్ బంతిని అందుకున్నాడు. 

తాజా వార్తలు

©2018 APWebNews.com. All Rights Reserved.