త్రిపురలో ప్రారంభమైన పోలింగ్‌

త్రిపురలో ప్రారంభమైన పోలింగ్‌

అగర్తల: త్రిపుర అసెంబ్లీ ఎన్నికల పోలింగ్‌ ఈరోజు ఉదయం 7 గంటలకు ప్రారంభమైంది. మొత్తం 60 నియోజకవర్గాలున్న రాష్ట్రంలో 59  స్థానాల్లో ప్రజలు తమ ఓటుహక్కును వినియోగించుకోనున్నారు. చరిలాం స్థానంలో సీపీఎం అభ్యర్థి మృతితో పోలింగ్‌ మార్చి 12కు వాయిదా పడింది. పోలింగ్‌ ఉదయం 7 గంటల నుంచి సాయంత్రం 4 గంటల వరకు జరగనుంది. పోలింగ్‌ నిమిత్తం 3,214 కేంద్రాలు ఏర్పాటుచేశారు. మొత్తం ఓట్లరు 25.73 లక్షలు కాగా.. వీరిలో పురుష ఓటర్లు 13.05 లక్షలు, మహిళలు 12.68 లక్షలు ఉన్నారు. పోలింగ్‌ సందర్భంగా సమస్యాత్మక ప్రాంతాల్లో పోలీసులు బందోబస్తు పటిష్ఠం చేశారు.

©2018 APWebNews.com. All Rights Reserved.