'వాట్సాప్'లో రెండు కొత్త ఫీచర్లు...!

తన వినియోగదారుల సౌలభ్యం కోసం 'వాట్సాప్' మరో అదిరిపోయే ఫీచర్‌ను తీసుకురానుంది. ఈ సరికొత్త ఫీచర్ ద్వారా... మనం పొరపాటున డెలీట్ చేసిన మీడియా ఫైల్స్‌ను తిరిగి డౌన్‌లోడ్ చేసుకోవచ్చు.

మనం డిలీట్‌చేసిన ఫోటోలు, వీడియో, ఆడియో ఫైల్స్‌, ఆడియో రికార్డింగ్‌ ఫైల్స్, డాక్యుమెంట్లను స్మార్ట్‌ఫోన్‌ ఇంటర్నల్‌ స్టోరేజ్‌ నుంచి వాటిని తిరిగి డౌన్‌లోడ్‌ చేసుకునే వెసులుబాటును ఈ ఫీచర్‌ కల్పిస్తుంది. దీంతోపాటు మరో ఫీచర్‌ను కూడా తీసుకురానుంది. దీనిప్రకారం ఇద్దరు వ్యక్తుల మధ్య జరిగిన చాటింగ్‌ను మూడోవ్యక్తి చూసే అవకాశం ఉండదు. 'యూనిక్‌ సెక్యూర్‌ కోడ్‌' రూపంలో చాటింగ్‌ను ఈ కొత్త ఫీచర్‌ భద్రపరుస్తుంది. ఇలా ఒక్కో చాట్‌కు ఒక్కో కోడ్ జనరేట్ అవుతుంది. వాట్సాప్ సంస్థ కూడా సమాచారం చూసే అవకాశం ఉండదు. ప్రస్తుతానికి ఆండ్రాయిడ్‌ బీటా యాప్‌ యూజర్లకు మాత్రమే ఈ ఫీచర్లు అందుబాటులోకి వచ్చే అవకాశం ఉంది. 

©2018 APWebNews.com. All Rights Reserved.