సమాజంలో హిజ్రాలకు స్వేచ్ఛగా జీవించే హక్కులు కల్పించాలి

హిమాయత్‌నగర్,ఫిబ్రవరి16 :కేంద్ర,రాష్ట్ర ప్రభుత్వాలు హిజ్రా,ట్రాన్స్ జెండర్ల సంక్షేమం కోసం తగిన చర్యలు తీసుకుని సమాజంలో స్వేచ్ఛగా జీవించే వాతావరణాన్ని కల్పించాలని తెలంగాణ క్వీర్ కలెక్టివ్ గ్రేటర్ ప్రతినిధులు వై.జయంతి, చంద్రముఖి, వినీత, అంజలి, తాషి తెలిపారు. శుక్రవారం హైదర్‌గూడలోని ఎన్‌ఎస్‌ఎస్‌లో ఏర్పాటు చేసిన విలేకరుల సమావేశంలో వారు మాట్లాడుతూ ప్రైవేట్,ప్రభుత్వ రంగంలో ట్రాన్స్‌జెండర్స్‌కు ఉపాధి అవకాశాలలో రిజర్వేషన్లు కల్పించాలని, రాష్ట్ర స్థాయిలో ట్రాన్స్‌జెండర్ కమిషన్ ఏర్పాటు చేయాలని కోరారు. సమాజంలో తాము భాగమేనని, ఆరోగ్య సమస్యలను చూసేందుకు దవాఖానను ఏర్పాటు చేయాలన్నారు.హిజ్రా,ట్రాన్స్ జెండర్‌ల పట్ల వివక్ష, హింస రూపు మాపాలని కోరుతూ ఈ నెల18న కాచిగూడ రైల్వే స్టేషన్ సమీపం నుంచి అంబర్‌పేటలోని జీహెచ్‌ఎంసీ గ్రౌండ్ వరకు క్వీర్ స్వాభిమాన కవాతు నిర్వహిస్తామని తెలిపారు.

తాజా వార్తలు

©2018 APWebNews.com. All Rights Reserved.