ఏపీ పోస్టల్‌ సర్కిల్‌లో 2,286 ఖాళీలు..!

కేంద్ర సమాచార, ప్రసార శాఖకు చెందిన ఇండియా పోస్ట్, ఏపీ సర్కిల్‌లో 'గ్రామీణ డాక్ సేవక్' పోస్టుల భర్తీకి నోటిఫికేషన్ విడుదల చేసింది. ఏపీ సర్కిల్‌కు సంబంధించి గతంలో విడుదలైన 1126 పోస్టుల ఫలితాలను రద్దుచేసి.. వాటితో కలిపి తాజాగా 2286 పోస్టుల భర్తీకి ఈ నోటిఫికేషన్‌ విడుదలైంది. పదోతరగతి మార్కుల ఆధారంగా అభ్యర్థులను ఎంపికచేస్తారు. ఎంపికైనవారు గ్రామీణ ప్రాంతాల్లో వీరు బ్రాంచ్ పోస్ట్ మాస్టర్, మెయిల్ క్యారియర్‌, మెయిల్ డెలివర్, ప్యాకర్ విధులు నిర్వహించాల్సి ఉంటుంది. వీరికి రూ.10,000 జీతంగా చెల్లిస్తారు. గతంలో దరఖాస్తు చేసుకున్నవారు మళ్లీ ఎలాంటి ఫీజు చెల్లించనవసరం లేదు. 
ఖాళీల వివరాలు...

 

అర్హత: పదోతరగతి లేదా తత్సమాన విద్యార్హత ఉండాలి. కంప్యూట‌ర్ ప‌రిజ్ఞానం తప్పనిసరిగా ఉండాలి.
వ‌యోపరిమితి: 25.04.2018 నాటికి 18 - 40 సంవత్సరాల మ‌ధ్య ఉండాలి. నిబంధనల ప్రకారం ఎస్సీ, ఎస్టీ, ఓబీసీ, దివ్యాంగులకు వయోపరిమితిలో సడలింపు ఉంటుంది.
ఫీజు: ద‌ర‌ఖాస్తు ఫీజుగా జనరల్, ఓబీసీ అభ్యర్థులు రూ.100 చెల్లించాలి. ఎస్సీ, ఎస్టీ, దివ్యాంగులు, మ‌హిళా అభ్య‌ర్థుల‌కు ఎలాంటి ఫీజు లేదు. గతంలో దరఖాస్తు చేసుకున్నవారు మళ్లీ ఫీజు చెల్లించనవసరం లేదు. 
ద‌ర‌ఖాస్తు విధానం: పోస్టల్ డిపార్ట్‌మెంట్ వెబ్‌సైట్‌లో ఆన్‌లైన్ ద్వారా దరఖాస్తు చేయాలి. 
ఎంపిక విధానం: ప‌దోత‌ర‌గ‌తి మార్కుల ఆధారంగా ఎంపిక చేస్తారు. మెరిట్ ప్రకారం ర్యాంకులను కేటాయించి, కేటగిరీల వారిగా ఎంపిక చేస్తారు.

©2018 APWebNews.com. All Rights Reserved.