ఎస్బీఐ 2000 పీవో ఉద్యోగాల‌కు నోటిఫికేష‌న్...!

ఇప్పుడు అంద‌రూ ప్ర‌భుత్వ ఉద్యోగాలు అంటే మోజు పడుతున్నారు. అంతే కాకుండా ఏ చ‌దువు చ‌దివినా బ్యాంకు ఉద్యోగం అంటే మరీ ఆసక్తి చూపుతున్నారు. నేటి యువత అత్యధికంగా పోటీ పడే ఉద్యోగాల్లో బ్యాంకు కొలువులు ఫ‌స్ట్ చాయిస్గా ఉంటున్నాయి.

ఈ నేపథ్యంలో ప్రభుత్వ రంగ ఎస్‌బీఐ 2000 ప్రొబెషనరీ ఆఫీసర్ (పీవో) ఉద్యోగాల భర్తీకి నోటిఫికేషన్‌ విడుదల చేసింది. ఏప్రిల్ 21 నుంచి ఆన్‌లైన్‌లో దరఖాస్తు చేసుకునేందుకు అవకాశం కల్పిస్తోంది. అర్హతలున్న అభ్యర్థులు ఎస్‌బీఐ అధికారిక వెబ్‌సైట్‌ ద్వారా పీవో పోస్టులకు దరఖాస్తు చేసుకోవచ్చు. దరఖాస్తుకు చివరి తేదీ మే 13, 2018. పీవో పోస్టులకు నిర్వహించే పరీక్ష మూడు దశల్లో జరుగుతుంది. ప్రిలిమినరీ, మెయిన్స్‌ పరీక్షలతో పాటు బృంద చర్చలు, ఇంటర్వ్యూలను నిర్వహిస్తారు. ప్రిలిమినరీలో ఉత్తీర్ణత పొందినవారు మెయిన్స్‌కు అర్హత సాధిస్తారు. మెయిన్స్‌ కూడా పాసైతే ఆ అభ్యర్థులను గ్రూప్‌ డిస్కషన్‌, ఇంటర్వ్యూలకు పిలుస్తారు. 
పోస్టుల వివ‌రాలు....

 పీవో (ప్రొబేష‌న‌రీ ఆఫీస‌ర్‌): 2000 పోస్టులు (ఎస్సీ-300, ఎస్టీ-150, ఓబీసీ-540, జ‌న‌ర‌ల్‌-1010)
అర్హత‌: ఏదైనా డిగ్రీ. డిగ్రీ చివ‌రి సంవ‌త్సరం లేదా చివరి సెమిస్టర్ చ‌దువుతున్నారు కూడా ద‌ర‌ఖాస్తు చేసుకోవడానికి అర్హులు.
వ‌య‌సు: 01.04.2018 నాటికి 21 - 30 సంవత్సరాల మ‌ధ్య ఉండాలి. ఎస్సీ, ఎస్టీల‌కు అయిదేళ్లు; ఓబీసీల‌కు మూడేళ్ల వయోపరిమితి ఉంది.
ద‌ర‌ఖాస్తు విధానం: ఆన్‌లైన్ ద్వారా.
ఎంపిక విధానం: ప్రిలిమిన‌రీ, మెయిన్ ఆన్‌లైన్ ప‌రీక్షలు, గ్రూప్ డిస్కషన్, ఇంట‌ర్వ్యూ ఆధారంగా.
 
ప్రిలిమిన‌రీ ప‌రీక్ష కేంద్రాలు: హైద‌రాబాద్‌, విజ‌య‌వాడ, విశాఖ‌ప‌ట్నం, క‌రీంన‌గ‌ర్‌, ఖ‌మ్మం, వ‌రంగల్‌, తిరుప‌తి, అనంత‌పురం, చీరాల‌, చిత్తూరు, గుంటూరు, క‌డ‌ప‌, కాకినాడ‌, క‌ర్నూలు, నెల్లూరు, ఒంగోలు, పుత్తూరు, రాజ‌మ‌హేంద్రవ‌రం, శ్రీకాకుళం, విజ‌య‌న‌గ‌రం.
మెయిన్ ప‌రీక్ష కేంద్రాలు: హైద‌రాబాద్‌, విజ‌య‌వాడ, విశాఖ‌ప‌ట్నం, గుంటూరు, క‌ర్నూలు.
ముఖ్యమైన తేదీలు....  
ఆన్‌లైన్ ద‌ర‌ఖాస్తు ప్రక్రియ ప్రారంభం ఏప్రిల్ 21
ఆన్‌లైన్ ద‌ర‌ఖాస్తుకు చివ‌రితేది మే 13
కాల్ లెట‌ర్‌ డౌన్‌లోడ్ (ప్రిలిమిన‌రీ ప‌రీక్ష) జూన్ 18 నుంచి
ఆన్‌లైన్ ప్రిలిమిన‌రీ ప‌రీక్ష తేది జులై 01, 07, 08 తేదీల్లో
ప్రిలిమిన‌రీ ప‌రీక్ష ఫ‌లితాలు జులై 15
కాల్ లెట‌ర్‌ డౌన్‌లోడ్ (మెయిన్‌ ప‌రీక్ష) జులై 20 నుంచి
ఆన్‌లైన్ మెయిన్‌ ప‌రీక్ష తేది ఆగస్టు 04
మెయిన్‌ ప‌రీక్ష ఫ‌లితాలు ఆగస్టు 20
ఇంట‌ర్వ్యూ కాల్ లెట‌ర్ డౌన్‌లోడ్‌ సెప్టెంబరు 01
గ్రూప్ డిస్కష‌న్‌, ఇంట‌ర్వ్యూ తేది సెప్టెంబరు 24 నుంచి అక్టోబరు 12 వ‌ర‌కు
తుది ఫ‌లితాలు నవంబరు 01
©2018 APWebNews.com. All Rights Reserved.