ఎపి వెబ్ న్యూస్.కామ్

పంచారామక్షేత్రమైన గునుపూడి సోమేశ్వరజనార్దనస్వామి ఆలయంలో అమావాస్య పురస్కరించుకుని స్వామివారు గోధుమవర్ణంలో మంగళవారం భక్తులు దర్శనమిచ్చారు.

జట్టు కట్టి గిట్టుబాటు పట్టి 
కూరగాయల ఉత్పత్తి  దారుల కంపెనీ ఏర్పాటు 
దళారీ వ్యవస్థకు స్వస్తి..అభివృద్ధి వైపు దృష్టి 
ఆదర్శం.. ద్వారకాతిరుమల మండల రైతులు 
ద్వారకాతిరుమల, న్యూస్‌టుడే 

దళారుల చేతుల్లో మగ్గిపోతున్న రైతులు దాని నుంచి బయటపడాలని భావించారు. ఆరుగాలం శ్రమించి పండించిన ఉత్పత్తులను గిట్టుబాటు ధరలకు విక్రయించుకోవాలనే ఆలోచనకు ఆచరణను జోడించారు. కూరగాయల ఉత్పత్తిదారుల కంపెనీని స్థాపించారు. ప్రస్తుతం సేకరణ కేంద్రం ఏర్పాటు చేసుకుని వ్యాపారులను తమ వద్దకే రప్పించుకొంటున్నారు. 
ఆరుగాలం కష్టపడినా కనీసం పెట్టుబడులూ రాని మెట్ట పంటలకు బదులు కూరగాయల సాగు వైపు రైతులు మొగ్గు చూపారు. నీటి సదుపాయం ఉంటే ఏడాది పొడవునా సిరులు కురిపించే కూరగాయల సాగును కొన్నేళ్లుగా ద్వారకాతిరుమల మండలంలో చేపడుతున్నారు. అయితే ఉత్పత్తులను విక్రయించుకునేందుకు దళారులను ఆశ్రయిస్తూ నష్టాలను చవిచూస్తున్నారు. ఈనేపథ్యంలో దళారీ వ్యవస్థ నుంచి బయటపడే విధంగా రైతులంతా కలిసి సంఘంగా ఏర్పడ్డారు. కూరగాయలను వివిధ ప్రాంతాలకు ఎగుమతి చేసేందుకు వీలుగా ఒక నూతన వ్యవస్థను ఏర్పాటు చేసుకున్నారు. దీనికి కలెక్టర్‌ భాస్కర్‌ చేయూతనివ్వడంతో రైతులు ప్రగతి దిశగా పయనిస్తున్నారు.

అమ్మభాషపై మమకారం. అభివృద్ధికి శ్రీకారం..! 
విద్యార్థుల్లో స్ఫూర్తి నింపుతున్న లక్కవరం పండితులు 
సులభశైలి బోధనతో భాషకు మరింత చేరువ 
జంగారెడ్డిగూడెం గ్రామీణ, న్యూస్‌టుడే 

నేటి ఆధునిక కాలంలో మనిషి జీవన విధానంలో ఎన్నో మార్పులు చోటుచేసుకుంటున్నాయి. ఈ క్రమంలోనే యువత మాతృ భాషపై పట్టు కోల్పోతుంది. కానీ మాతృభాషపై ఉన్న మమకారంతో తెలుగును సరళమైన బోధన విధానాలతో నేటి తరానికి అందిస్తున్నారు ఈ పండితులు. లక్కవరం గ్రామానికి చెందిన పలువురు తెలుగు పండిత విద్యను అభ్యసించి  ఉపాధ్యాయులుగా పనిచేస్తూ భాష ప్రాముఖ్యతను విద్యార్థులకు తెలియజేస్తున్నారు.. పాఠశాలలో విద్యార్థులకు మాతృభాషపై అభిమానం పెంచేలా చక్కటి బోధన పద్ధతులను పాటిస్తున్నారు. దీనికి అనుగుణంగా విద్యార్థుల బోధనకు కావాల్సిన పుస్తకాలను సొంతంగా రాస్తూ భాష పరిరక్షణలో తమ వంతు పాత్ర పోషిస్తున్నారు. ఒక్క లక్కవరం గ్రామంలో ఈ తరహా తెలుగు పండితులు సుమారు 29 ఉన్నారు. వీరంతా వివిధ ప్రదేశాలలో ఉపాధ్యాయ వృత్తిలో కొనసాగుతున్నారు. అలాగే ఏటా విజయవాడ నగరంలో జరిగే పుస్తక ప్రదర్శన మహోత్సవంలో పాల్గొనడంతో పాటు ఎందరో మహనీయులు రచించిన పుస్తకాలను చదివి వాటి సారాంశాన్ని విద్యార్థులకు అందిస్తూ భాషపై తమకున్న అభిమానాన్ని చాటుతున్నారు. ఈ నేపథ్యంలో పలువురు పండితులు ‘న్యూస్‌టుడే’తో తమ అభిప్రాయాలను ఇలా పంచుకున్నారు. 
కొత్తదనాన్ని

నింపుకునే జీవ నది 
స్వచ్ఛమైన తెలుగు భాష ఎప్పుడూ కొత్తదనాన్ని నింపుకొంటూ జలజలా ప్రవహించే జీవ నది లాంటిది. ఏ భాషనైనా తనలో ఇముడ్చుకుంటూ ప్రేమామృతాన్ని పంచి ఇవ్వగల గొప్ప శక్తి తెలుగు భాషకే సాధ్యమవుతుంది. పద్యం అనేది ఒక్క తెలుగు భాషలోనే ఇమిడి ఉంది. ఎందరో మహనీయులు తమ రచనల ద్వారా తెలుగు భాషలో అద్భుతమైన కావ్య ప్రపంచాన్ని అందించారు. అటువంటి  మాతృ భాషను పరిరక్షించుకోవాల్సిన బాధ్యత  ప్రభుత్వాలు, ప్రజల పైన ఉంది.  అప్పుడే భావి తరాలకు మన భాష సంస్కృతి, సంప్రదాయాలను అందించగలుగుతాం.

కుమార్తె వివాహం చేశా

15 ఏళ్ల కిందట నా భర్త చనిపోయారు. అప్పట్లో చిన్న పిల్లలు. కుటుంబానికి ఆసరా లేదు. పుట్టెడు కష్టంతో కుట్టు మిషన్‌ నేర్చుకున్నా. దానిపై వచ్చే ఆదాయంతో ఇద్దరు పిల్లల్ని చదివించా. ఆడపిల్లకు వివాహం చేశాను. అబ్బాయిని బీటెక్‌ వరకు చదివించాను. కుట్టు మిషనే నాకు, నా కుటుంబానికి జీవనాధారం అయ్యింది.- బోణాల రాణి

Page 1 of 2

తాజా వార్తలు

©2018 APWebNews.com. All Rights Reserved.