ఎపి వెబ్ న్యూస్.కామ్ 

పశ్చిమ గోదావరి జిల్లా, పోలవరం సమీపంలో జరిగిన లాంచీ ప్రమాదంపై వైఎస్సార్‌ కాంగ్రెస్‌ పార్టీ ఎంపీ విజయసాయిరెడ్డి విచారం వ్యక్తం చేశారు.

గీతంలో సాంకేతిక ఉత్సవం ప్రారంభం 

సాగర్‌నగర్‌, న్యూస్‌టుడే: గీతం డీమ్డ్‌ వర్సిటీలో ఇన్‌స్టిట్యూట్‌ ఆఫ్‌ ఎలక్ట్రానిక్స్‌ అండ్‌ టెలీకమ్యూనికేషన్స్‌ ఇంజినీర్స్‌ (ఐఈటీఈ) విద్యార్థి విభాగం ఆధ్వర్యంలో రెండు రోజులు జరగనున్న జాతీయస్థాయి సాంకేతిక ఉత్సవాన్ని శుక్రవారం ఎన్‌ఎస్‌టీఎల్‌ శాస్త్రవేత్త ఎస్‌.రాజా ప్రారంభించారు. ఆయన మాట్లాడుతూ విద్యార్థులు ఎప్పటికప్పుడు సాంకేతికతలో నైపుణ్యం సాధిస్తూ... నూతన ఆవిష్కరణల వైపు దృష్టి సారించాలన్నారు. గీతం ఈసీఈ విభాగాధిపతి ఆచార్య పి.వి.వై.జయశ్రీ మాట్లాడుతూ విద్యార్థులకు ఈ ఉత్సవంలో కమ్యూనికేషన్‌, ఆర్కిటెక్చర్‌ తదితర పలు అంశాలపై పోటీలతో పాటు సదస్సులను నిర్వహిస్తామన్నారు. కార్యక్రమానికి హాజరైన ప్రముఖ ఇంద్రజాల నిపుణురాలు సుహాసిని షాను కళాశాల ప్రిన్సిపల్‌ ఆచార్య కె.లక్ష్మీప్రసాద్‌, వైస్‌ ప్రిన్సిపల్‌ సి.ధర్మరాజు సత్కరించారు. ఫ్యాకల్టీ సలహాదారు కె.కరుణకుమారి, విద్యార్థి విభాగం అధ్యక్ష, కార్యదర్శిలు జి.భరత్‌సాయి, గోపీనాథ్‌ పాల్గొన్నారు.

అప్పన్న సేవలో కేంద్ర ప్రత్యేక అధికారి 

సింహాచలం, న్యూస్‌టుడే: స్వచ్ఛభారత్‌, స్వచ్ఛపర్యావరణం కేంద్ర ప్రత్యేక అధికారి అర్చనమిత్తల్‌  శుక్రవారం అప్పన్న స్వామిని దర్శించుకున్నారు. ఆమెకు ఆలయ అధికారులు సంప్రదాయంగా స్వాగతం పలికారు. అనంతరం కప్పస్తంభాన్ని ఆలింగనం చేసుకుని, బేడ మండపం ప్రదక్షిణ చేశారు. అంతరాలయంలో స్వామికి ప్రత్యేక పూజలు నిర్వహించారు. ఆలయ ఏఈవో ఆర్వీఏస్వీ ప్రసాద్‌ స్వామి ప్రసాదాన్ని ఆమెకు ఆందజేశారు. అనంతరం ఆలయ పరిసరాల్లో నిర్వహిస్తున్న స్వచ్ఛభారత్‌ కార్యక్రమాలను ఏఈవో, పారిశుద్ధ్య విభాగం సూపర్‌వైజర్‌ విక్రమ్‌లు వివరించారు.

సమకాలీన అంశాలపై అవగాహనతోనే సివిల్స్‌లో విజయం 
భారత ప్రభుత్వ రక్షణ మంత్రిత్వ శాఖ డిప్యూటీ డైరెక్టర్‌ ఎం.బాల లత 

సాగర్‌నగర్‌: సమాజంలోని సమకాలీన అంశాలపై అవగాహన, లోతైన విశ్లేషణ, విస్తృత ఆలోచన ఉన్న వారికే సివిల్స్‌లో విజయం సొంతమవుతుందని భారత ప్రభుత్వ రక్షణ మంత్రిత్వ శాఖ డిప్యూటీ డైరెక్టర్‌, ఐఏఎస్‌ అధికారిణి ఎం.బాలలత పేర్కొన్నారు. గీతం డీమ్డ్‌ వర్సిటీ స్కూల్‌ ఆఫ్‌ గాంధీయన్‌ స్టడీస్‌ ఆధ్వర్యంలో శుక్రవారం నిర్వహించిన సివిల్స్‌ అవగాహన కార్యక్రమానికి ఆమె ముఖ్యఅతిథిగా విచ్చేశారు. సివిల్‌్్సలో సమాచార సేకరణ ఎంతో అవసరమని, వివిధ కోణాల నుంచి సమకాలీన రాజకీయ, భౌగోళిక, సామాజిక అంశాలను అర్థం చేసుకుని నోట్స్‌ తయారు చేసుకోవడమూ అంతే ముఖ్యమన్నారు. వర్సిటీ ప్రొ-వీసీ ఆచార్య కె.శివరామకృష్ణ, సంబంధిత విభాగం ఇంఛార్జి డైరెక్టర్‌ డాక్టర్‌ రోజిట్టా జోసఫ్‌ మాట్లాడుతూ బీఏ సోషల్‌ సైన్స్‌, ఎంఏ సైకాలజీ, ఇంగ్లీష్‌ కోర్సుల ద్వారా సివిల్‌ సర్వీస్‌ల్లో ప్రవేశానికి శిక్షణ ఇస్తున్నామన్నారు.

Page 2 of 3

తాజా వార్తలు

©2018 APWebNews.com. All Rights Reserved.