గురుద్వార (విశాఖపట్నం) Feb 6 2018: విద్యుత్‌ ఛార్జీల పెంపు ప్రతిపాదనపై నగరంలోని ఏపీఈపీడీసీఎల్‌ కార్యాలయంలో ఆంధ్రప్రదేశ్‌ విద్యుత్‌ నియంత్రణ మండలి సమక్షంలో సోమవారం ప్రజాభిప్రాయ సేకరణ చేపట్టారు. మండలి ఛైర్మన్‌ భవానీ ప్రసాద్‌, సభ్యులు పి.రఘు, పి. రామ్మోహన్‌రావు పాల్గొని రైతులు, వినియోగదారుల నుంచి అభిప్రాయాలను సేకరించారు. అంతకుముందు సంస్థ సీఎండీ హెచ్‌.వై.దొర 2018-19గాను విద్యుత్‌ రిటైల్‌ సరఫరా ధరలపై ప్రవేశపెట్టనున్న ప్రతిపాదనలను చదివి వినిపించారు. సంస్థ ఛైర్మన్‌ భవానీ ప్రసాద్‌ మాట్లాడుతూ.. సంస్థ ఇచ్చిన ప్రతిపాదన ఆధారంగా ఈ ఏడాది విద్యుత్‌ఛార్జీలు పెంచడం లేదని స్పష్టం చేశారు. కేంద్ర విద్యుత్‌ చట్టం తమకిచ్చిన అధికారాలతో సంస్థలకు, వినియోగదారులకు నష్టం కలగకుండా చూస్తామన్నారు. ప్రజాభిప్రాయ సేకరణకు ఈపీడీసీఎల్‌ పరిధి నుంచి 48 అభ్యంతరాలు రాగా.. వీటిలో 15మంది మండలి ముందు స్వయంగా తమ అభిప్రాయాలను వెల్లడించారు. కార్యక్రమంలో రైతు సంఘాలు, పలు పార్టీల నాయకులు, సంస్థ అధికారులు పాల్గొన్నారు.

 

Page 2 of 2

తాజా వార్తలు

©2018 APWebNews.com. All Rights Reserved.