జగన్‌వి ఉత్తర కుమార ప్రగల్భాలు

జగన్‌వి ఉత్తర కుమార ప్రగల్భాలు 
బీసీ ఫైనాన్స్‌ కార్పొరేషన్‌ డైరెక్టర్‌ వినుకొండ సుబ్రహ్మణ్యం ఒంగోలు అర్బన్‌, న్యూస్‌టుడే: వైకాపా అధినేత జగన్‌వి ఉత్తమ కుమార ప్రగల్భాలని రాష్ట్ర బీసీ ఫైనాన్స్‌ కార్పొరేషన్‌ డైరెక్టర్‌, బాపట్ల తెదేపా పరిశీలకుడు, తెదేపా రాష్ట్ర కార్యనిర్వాహక కార్యదర్శి వినుకొండ సుబ్రహ్మణ్యం విమర్శించారు. శుక్రవారం స్థానిక తెదేపా కార్యాలయంలో జరిగిన సమావేశంలో ఆయన మాట్లాడారు. జగన్‌ ప్రజల సొమ్ము దోచుకొని పలు ఆర్థిక నేరాల్లో నిందితుడిగా ఉన్నారని, ఆయనపై 11కేసులు ఉన్నాయన్నారు. కేసులు మాఫీ చేయించుకునేందుకే భాజపాతో పొత్తుకు తహతహలాడుతున్నారని ఆరోపించారు. ప్రజలు ఆయన కుతంత్రాలపై అవగాహన కలిగి ఉండాలన్నారు. భాజపా ప్రత్యేక ప్యాకేజీ ఇస్తామని చెప్పి బడ్జెట్‌లో అన్యాయం చేసిందన్నారు. చంద్రబాబు మిత్రపక్షంగా ఉన్న భాజపాతో రాష్ట్రాభివృద్ధికి నిధుల కోసం ప్రయత్నిస్తున్న విషయాన్ని ప్రస్తావించారు. బీసీలతోపాటు అన్ని వర్గాల ప్రజలు తెదేపా అధినేత చంద్రబాబుకు అండగా నిలవాలన్నారు.

తాజా వార్తలు

©2018 APWebNews.com. All Rights Reserved.