పరీక్షల ముందు.. ఫలించిన ప్రయత్నాలు

పరీక్షల ముందు.. ఫలించిన ప్రయత్నాలు 
వర్సిటీ పూచీకత్తుతో హాజరుకానున్న 18 కళాశాలల విద్యార్థులు 
ఈనెల 19 నుంచి బీఈడీ మొదటి సెమిస్టర్‌ పరీక్షలు 
న్యూస్‌టుడే, కర్నూలు విద్య 

విశ్వవిద్యాలయంలో సీడీసీ విభాగం కీలకం. ఇది విద్యార్థుల ప్రవేశాలు, వసతులు, బోధన సిబ్బంది, తనిఖీలు వంటి అంశాలను పరిశీలిస్తుంది. ప్రైవేటు కళాశాలలు దీని ఆధీనంలోనే ఉంటాయి. ఈ ఏడాది 63 ప్రైవేటు బీఈడీ కళాశాలలు సీడీసీ గుర్తింపు లభించింది. ఏపీ స్టేట్‌ కౌన్సిల్‌ ఆఫ్‌ హయ్యర్‌ ఎడ్యుకేషన్‌ (ఏపీఎస్‌సీహెచ్‌ఈ) మార్గదర్శకాల మేరకు 50 కళాశాలల్లో ప్రవేశాలు జరిగాయి. ఆ మేరకు మొత్తం 2,270 మంది విద్యార్థుల సమాచారం ఆన్‌లైన్‌లో నమోదు చేశారు. మొదటి సెమిస్టర్‌ పరీక్షలకు యాప్సీ 32 కళాశాలలకుగాను 1,323 మంది విద్యార్థులకు మాత్రమే అనుమతి ఇచ్చింది. మిగిలిన 18 కళాశాలలకు సంబంధించి వర్సిటీ ‘అండర్‌ టేకింగ్‌’ (ష్యూరిటీ) ద్వారా 947 మంది విద్యార్థులు పరీక్షలు రాయనున్నారు. ఇందుకు ఆయా కళాశాలల యాజమాన్యాలు వర్సిటీ అధికారులపై పలు రకాలుగా ఒత్తిడి తేవడంతో పది రోజుల్లో యాప్సీ ద్వారా అనుమతులు తెచ్చుకోవాలని, లేకపోతే పరీక్ష ఫలితాలు నిలుపుదల చేయవచ్చని హామీపత్రాన్ని వర్సిటీ తీసుకుని పరీక్షలకు ఆమోదముద్ర వేసినట్లు తెలుస్తోంది.

తాజా వార్తలు

©2018 APWebNews.com. All Rights Reserved.