భానుమతిగా..‘భాగమతి’?

హైదరాబాద్‌: అలనాటి నటి సావిత్రి జీవితాధారంగా తెరకెక్కుతున్న చిత్రం ‘మహానటి’. కీర్తి సురేశ్‌ సావిత్రి పాత్రలో నటిస్తు్న్నారు. సమంత జర్నలిస్ట్‌ పాత్ర పోషిస్తున్నారు. నాగ్‌ అశ్విన్‌ ఈ సినిమాకు దర్శకత్వం వహిస్తున్నారు. మోహన్‌బాబు, ప్రకాశ్‌ రాజ్, దుల్కర్‌ సల్మాన్, విజయ్‌ దేవరకొండ, విక్రమ్‌ ప్రభు, షాలిని పాండే ఈ సినిమాలో కీలక పాత్రల్లో నటిస్తు్న్నారు.

అయితే..ఇందులో అలనాటి నటి భానుమతి పాత్రలో ‘భాగమతి’ అనుష్క శెట్టి నటిస్తున్నట్లు టాలీవుడ్‌ వర్గాల సమాచారం. ఒకప్పుడు తెలుగు చిత్ర పరిశ్రమలో అత్యధిక సినిమాలు చేసిన నటీమణుల్లో సావిత్రి, భానుమతిలు కూడా ఉన్నారు. ఆమె పాత్రలో అనుష్కనే సరిపోతారని చిత్రబృందం భావించిందట. అయితే ఈ పాత్రకు అనుష్క ఒప్పుకుందా లేదా అన్న విషయం తెలియాల్సి ఉంది. 

వైజయంతి మూవీస్‌ పతాకంపై తెలుగు, తమిళం, మలయాళ భాషల్లో ఈ సినిమాను విడుదల చేస్తున్నారు. అశ్విని దత్‌ ఈ సినిమాకు నిర్మాతగా వ్యవహరిస్తున్నారు. మిక్కీ జే మేయర్‌ స్వరాలు సమకూరుస్తున్నారు. మార్చి 20న ఈ సినిమాను విడుదల చేయడానికి సన్నాహాలు చేస్తున్నారు.

Page 3 of 3

©2018 APWebNews.com. All Rights Reserved.